གཞུང་དངུལ་འདུ་འགོད་དང༌། དངུལ་རྩིས་སྟངས་འཛིན་ཀྱི་སྒྲིག་གཞི། ལེའུ་དང་པོ།    སྔོན་འགྲོ། དོན་ཚན་དང་པོ།      སྒྲིག་གཞིའི་མིང་། སྒྲིག་གཞི་འདི་ལ་རྒྱལ་སྤྱིའི་དབུ་མའི་ལམ་མི་མང་ལས་འགུལ་ཁང་གི་གཞུང་དངུལ་འདུ་འགོད་དང་དངུལ་རྩིས་སྟངས་འཛིན་གནང་ཕྱོགས་ཀྱི་སྒྲིག་གཞི་བོད་རྒྱལ་ལོ་༢༡༤༨སྤྱི་ལོ་༢༠༢༢ཞེས་འབོད་རྒྱུ། དོན་ཚན་གཉིས་པ།      ཆ་རྐྱེན།                                         སྒྲིག་གཞི་འདི་རྒྱལ་སྤྱིའི་དབུ་མའི་ལམ་མི་མང་ལས་འགུལ་ཁང་གི་རྩ་འཛིན་སྒྲིག་གཞིའི་ལེའུ་བཅུ་པའི་དོན་ཚན་ཉི་ཤུ་རྩ་གཅིག་པའི་འབྲུ་དོན་ལྟར་བཀོད་སྒྲིག་བྱས་པ་ཡིན། དོན་ཚན་གསུམ་པ།        འགོ་འཛུགས། གཞུང་དངུལ་འདུ་འགོད་དང་དངུལ་རྩིས་སྟངས་འཛིན་གནང་ཕྱོགས་ཀྱི་སྒྲིག་གཞི་འདི་རྒྱལ་སྤྱིའི་དབུ་མའི་ལམ་མི་མང་ལས་འགུལ་ཁང་གི་འགན་འཛིན་ལྷན་ཚོགས་དུ་གཏན་འབེབས་བྱས་ཉིན་ནས་དངོས་སུ་ལག་བསྟར་བྱ་རྒྱུ། དོན་ཚན་བཞི་པ།     ཁྱབ་ཚད། རྒྱལ་སྤྱིའི་དབུ་མའི་ལམ་མི་མང་ལས་འགུལ་ཁང་གི་དབུས་རྒྱུན་ལས་འདེམས་ཐོན་ཐོག་དམ་འབུལ་ཁས་ལེན་ཞུས་ཟིན་པ་ཡོངས་ལ་ཁྱབ་པ་ཡིན། ལེའུ་གཉིས་པ།         དངུལ་རྩིས་དང་ལོ་འཁོར་སྔོན་རྩིས།    རྩིས་ཞིབ། དོན་ཚན་ལྔ་པ།       ལོ་འཁོར་སྔོན་རྩིས། ༡།       ལོ་འཁོར་གཅིག་ནང་ཕྱི་ནང་རོགས་དངུལ་ཞལ་འདེབས་དང།    ཡོང་འབབ་གཞན་སོགས་འབབ་དངུལ་ཡོངས་རྫོགས་འཚེམས་ལུས་མེད་པར་བྱུང་སོང་མ་དངུལ་དུ་ཚུད་པ་བྱ་དགོས། ༢།       ཕྱི་ཟླ་  ༤ཚེས་  ༡  ནས་རྗེས་ལོའི་ཕྱི་ཟླ་  ༣  བར་ལ་དངུལ་རྩིས་ལོ་འཁོར་དུ་མཚམས་འཛིན་བྱས་ཏེ་ལོ་ལྟར་ཕྱི་ཟླ་  ༣ཚེས་ ༣༡  ལ་འདས་ལོའི་རྩིས་འགོ་བརྒྱག་རྒྱུ།   ཟླ  ༤  ཚེས་ ༡ ལ་རྩིས་ལོ་གསར་པར་འགོ་འཛུགས་དགོས། དོན་ཚན་དྲུག་པ།         སྔོན་རྩིས་འཆར་འབུལ་དང་བཀའ་འཁྲོལ། ༡།   ལོ་རེའི་འགན་འཛིན་ལྷན་ཚོགས་སྐབས་དབུས་རྒྱུན་གྱི་བྱུང་སོང་ཁ་འཐབ་གྱི་རྩིས་ཁྲ་སྙན་སྒྲོན་དང་འཆར་ལོའི་སྔོན་རྩིས་བཀའ་འཁྲོལ་ཞུ་དགོས། ༢།   འགན་འཛིན་ལྷན་ཚོགས་ནས་དབུས་རྒྱུན་གྱི་དངུལ་རྩིས་འཆར་འབུལ་གང་ཞུས་ལ་དྲི་རྩད་དང་སྣོན་འཕྲུ་སྤོར་གཅོག་གང་དགོས་ཞིབ་འཇུག་གིས་སྔོན་རྩིས་བཀའ་འཁྲོལ་གནང་རྒྱུ། ༣།    རྩ་འཛིན་སྒྲིག་གཞིའི་དོན་ཚན་བཅུ་དགུའི་ལེའུ་གཉིས་པའི་དགོངས་དོན་བཞིན་དབུས་རྒྱུན་ཚོགས་གཙོའིོ་དངུལ་རྩིས་དབང་ལྡན་པའི་འགན་ལེན་རྒྱུ།དྲུང་ཆེ།དངུལ་གཉེར་དང་རྩིས་པ་བཅས་ནས་རང་འཁྲིས་འོས་འགན་འཐུས་ཤོར་མེད་པར་སྒྲུབ་དགོས། དོན་ཚན་བདུན་པ།      རྩིས་ཞིབ། ༡།       རྒྱལ་སྤྱིའི་དབུ་མའི་ལམ་མི་མང་ལས་འགུལ་ཁང་གི་རྩིས་ཁྲར་རྩིས་ཞིབ་སླད་དབུས་རྒྱུན་ནས་ལོ་ལྟར་རྩིས་ཞིབ་པ་ཞིག་བསྐོ་གཞག་གི་གླ་ཡོན་གཏན་འབེབས་བྱ་དགོས། ༢།       རྩིས་ཞིབ་ཆེད་རྒྱལ་སྤྱིའི་དབུ་མའི་ལམ་མི་མང་ལས་འགུལ་ཁང་གི་རྩིས་དང་འབྲེལ་བའི་དངུལ་དངོས་ལ་སོགས་པའི་གནས་ཚུལ་ཡིག་ཆ་ཁག་གང་ཡོད་དགོས་འབུལ་ཞུ་དགོས། ༣།       རྒྱལ་སྤྱིའི་དབུ་མའི་ལམ་མི་མང་ལས་འགུལ་ཁང་གི་རྩིས་ཞིབ་ཟིན་པའི་རྩིས་ཁྲ་ལོ་ལྟར་རྒྱུན་ལས་དང་འགན་འཛིན་ལྷན་ཚོགས་སུ་འབུལ་དགོས། ༤།      རྒྱལ་སྤྱིའི་དབུ་མའི་ལམ་གྱི་མི་མང་ལས་འགུལ་ཁང་གི་རྩིས་ལོ་ལོ་ལྟར་ཕྱི་ཟླ་ ༤ ཚེས་ ༡ནས་ཕྱི་ཟླ་ ༣ ཚེས་ ༣༡ བར་ཡིན།    ལོ་ལྟར་རྩིས་ཞིབ་དུས་ཐོག་ཟིན་པ་དགོས་རྒྱུ། ལེའུ་གསུམ་པ།       དངུལ་རྩིས་དབང་ལྡན། དོན་ཚན་བརྒྱད་པ།      དངུལ་རྩིས་དབང་ལྡན་པའི་འོས་འགན། ༡།       རྒྱལ་སྤྱིའི་དབུ་མའི་ལམ་མི་མང་ལས་འགུལ་ཁང་གི་མ་དངུལ་གང་ཡོད་(Centre For Middle Initiative)ཞེས་པའི་ཚོགས་པའི་དངུལ་ཁང་དང་དངུལ་གཉེར་གྱི་ལག་ཏུ་ཡོད་དགོས། ༢།    བྱུང་འཛིན་དང་(Volunteer)ཨང་རིམ་བཞིན་བེད་སྤྱོད་གནང་དགོས།བར་མཚམས་ནས་ཆད་ལྷག་ཅི་བྱུང་ལ་ཁ་གསལ་འགྲེལ་བརྗོད་བཅས་ཚོགས་གཙོ།དྲུང་ཆེ་དངུལ་གཉེར་གསུམ་ཀྱི་མཚན་རྟགས་དགོས། ༢།  ཚོགས་པའི་དངུལ་ཁང་དུ་ཚོགས་གཙོ་དང་དྲུང་ཆེ།  དངུལ་གཉེར་བཅས་གསུམ་གྱི་མཚན་ཐོག་འཇོག་རྒྱུ། གོང་གསལ་མི་འགྲོ་གསུམ་ནས་གང་རུང་གཉིས་ཀྱི་མཚན་རྟགས་ཐོག་དངུལ་འདོན་འཇུག་ཆོག ༣།   ཚོགས་པའི་མ་དངུལ་དངུལ་ཁང་དུ་དུས་བཀག་སྐྱེད་བཅོལ་བྱ་དགོས་གལ་བྱུང་ཚེ། དུས་བཀག་སྐྱེད་བཅོལ་ཚོགས་གཙོ།     དྲུང་ཆེ། དངུལ་གཉེར་བཅས་གསུམ་གྱི་མིང་ཐོག་འཇོག་རྒྱུ། དུས་བཀག་སྐྱེད་བཅོལ་དངུལ་རྣམས་དབུས་རྒྱུན་གྱིས་བཀའ་འཁྲོལ་མེད་པར་དངུལ་ཕྱིར་འདོན་ནམ་ཡང་མི་ཆོག ༤།      རྒྱུན་གྲོན་ཕོགས་དང་གཞན་སྤྲོད་དགོས་དངུལ་འབོར་ཆེ་བ་རྣམས་དངུལ་ཁང་བཅད་ཤོག་འམ་ཡང་ན་Online Transferབརྒྱུད་སྤྲོད་དགོས།    དེ་ལྟར་མ་བྱུང་བའི་སྐབས་ཁུངས་ལྡན་འགྲེལ་བརྗོད་བྱ་དགོས ༦།      ཟླ་གསུམ་རེའི་མཚམས་ཚོགས་གཙོས་སྟངས་འཛིན་འོག་དངུལ་གཉེར་དང་རྩིས་པས་རྩིས་ལུགས་བཞིན་རྩིས་ཉར་འཇོག་དང་དངུལ་ལྷག་དངུལ་ཆད་ཀྱི་གནས་སྟངས་གསལ་པོ་བཟོ་དགོས། ༧།      རྒྱལ་སྤྱིའི་དབུ་མའི་ལམ་མི་མང་ལས་འགུལ་ཁང་གི་མ་དངུལ་དང་ཡོང་འབབ་ཁག་དམིགས་ཡུལ་དགོངས་དོན་ལས་གཞིའི་ཐོག་བེད་སྤྱོད་དགོས་པ་ལས་དབུས་རྒྱུན་དང་ཚོགས་མིར་ཁེ་འབབ་ལྟ་བུར་བགོ་འགྲེམས་མི་ཆོག ༨།       རྒྱལ་སྤྱིའི་དབུ་མའི་ལམ་མི་མང་ལས་འགུལ་ཁང་གི་མ་དངུལ་གང་ཡོད་དེ་དག་བསྲི་ཚགས་བདག་ཉར་བྱ་དགོས་པ་ལས་དོན་མེད་ཆུད་སོས་སུ་ནམ་ཡང་གཏོང་མི་ཆོག ༩།       སྤྱི་དངུལ་ནས་བུ་ལོན་དང་སྔ་འདོན་སུ་ལའང་སྤྲོད་མི་ཆོག ༡༠།      རྒྱལ་སྤྱིའི་དབུ་མའི་ལམ་མི་མང་ལས་འགུལ་ཁང་གི་དངུལ་རྩིས་སྟངས་འཛིན་ཡོངས་རྫོགས་ཚོགས་གཙོ་དང་ཚོགས་གཞོན་།    དྲུང་ཆེ།    དངུལ་གཉེར་བཞི་ནས་གནང་རྒྱུ།

ལེའུ་དང་པོ།    སྔོན་འགྲོ། དོན་ཚན་དང་པོ།      སྒྲིག་གཞིའི་མིང་། སྒྲིག་གཞི་འདི་ལ་རྒྱལ་སྤྱིའི་དབུ་མའི་ལམ་མི་མང་ལས་འགུལ་ཁང་གི་ལས་དོན་བྱེད་ཕྱོགས་ཀྱི་སྒྲིག་གཞི་བོད་རྒྱལ་ལོ་༢༡༤༨སྤྱི་ལོ་༢༠༢༢ཞེས་འབོད་རྒྱུ། དོན་ཚན་གཉིས་པ།      ཆ་རྐྱེན། སྒྲིག་གཞི་འདི་རྒྱལ་སྤྱིའི་དབུ་མའི་ལམ་མི་མང་ལས་འགུལ་ཁང་གི་རྩ་འཛིན་སྒྲིག་གཞིའི་དོན་ཚན་ཉེར་གཅིག་པའི་ཆ་རྐྱེན་འོག་བཀོད་སྒྲིག་བྱས་པ་ཡིན། དོན་ཚན་གསུམ་པ།        འགོ་འཛུགས། ལས་དོན་བྱེད་ཕྱོགས་ཀྱི་སྒྲིག་གཞི་འདི་རྒྱལ་སྤྱིའི་དབུ་མའི་ལམ་མི་མང་ལས་འགུལ་ཁང་གི་འགན་འཛིན་ལྷན་ཚོགས་དུ་གཏན་འབེབས་བྱས་ཉིན་ནས་དངོས་སུ་ལག་བསྟར་བྱ་རྒྱུ། དོན་ཚན་བཞི་པ།     ཁྱབ་ཚད། རྒྱལ་སྤྱིའི་དབུ་མའི་ལམ་མི་མང་ལས་འགུལ་ཁང་གི་རྒྱུན་ལས་འདེམས་ཐོན་ཐོག་དམ་འབུལ་ཁས་ལེན་ཞུས་ཟིན་པ་ཡོངས་ལ་ཁྱབ་པ་ཡིན། དོན་ཚན་ལྔ་པ།      ལས་ཁུར་དམ་བཅའ། ༡།   དབུས་རྒྱུན་འདེམས་ཐོན་བྱུང་བ་རྣམས་ཀྱིས་ལས་ཁུར་དུ་མ་ཞུགས་གོང་རྩ་འཛིན་སྒྲིག་གཞིའི་ཟུར་སྣོན་ཡིག་ཆ་(ཀ)བའི་འབྲི་དོན་ལྟར་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གི་སྐུ་པར་མཐོང་གྲོལ་རིན་པོ་ཆེའི་མདུན་ལས་འཁུར་དམ་བཅའ་ཁས་ལེན་ཞུ་དགོས།དམ་བཅའམ་ཁས་ལེན་མ་ཟིན་གྱི་བར་སྐབས་དེའི་ཚོགས་གཙོས་དམ་འབུལ་ལས་རིམ་གོ་སྒྲིག་གནང་དགོས། ལེའུ་གཉིས་པ།        དོན་ཚན་དྲུག་པ། རྒྱུན་བཞུགས་ལས་བྱེད་ཀྱི་འོས་འགན་དང་ཐོབ་ཐང་། ༡།    ཚོགས་གཙོ་གཞོན་དང་།        དྲུང་ཆེ།རྩིས་པ་དངུལ་གཉེར་བཞི་ལས་གསུམ་རྒྱུན་ཞུགས་ལས་བྱེད་ཀྱི་ངོ་བོར་རྟག་བཅར་ཞུ་དགོས།     དེ་དག་ལ་མཐུན་འགྱུར་སྤྲོད་ཕྱོགས་སྐབས་སོ་སོའི་དབུས་རྒྱུན་མང་མོས་སམ་སྤྱི་མོས་ཀྱིས་ཐག་གཅོད་གནང་རྒྱུ། ༢།     རྒྱུན་ཞུགས་ལས་བྱེད་ནས་ཚུགས་གྲོལ་གྱི་ལས་བཅར་ཐོ་དེབ་ཏུ་མིང་རྟགས་རྒྱུན་དུ་འགོད་དགོས། ༣།       འཆར་འཕར་གུང་གསེང་ཁག་བོད་མིའི་སྒྲིག་འཛུགས་དང་གཅིག་གྱུར་ཡིན།  དེ་མིན་སྤྱི་སྒེར་གང་གི་ཆེད་དུ་ཕེབས་དགོས་བྱུང་ཚེ་ཕན་ཚུན་ཤེས་རྟོགས་ཀྱིས་ཕེབས་པ་ལས་རང་དགར་ཕེབས་མི་ཆོག།    ༤       རྒྱུན་ཞུགས་ལས་བྱེད་ལོ་རེར་ཕོགས་ཡོད་གུང་གསེང་ཟླ་གཅིག་ཡོད།གུང་གསེང་མ་ཞུས་ཚེ།ཉིན་གྲངས་ཇི་ཡོད་དངུལ་བསྒྱུར་བྱེད་ཆོག། ༥།     རང་འཁྲིའི་འོས་འགན་དག་སྒྲུབ་ཐོག་དབུ་མའི་ལམ་གྱི་སྲིད་བྱུས་དང་མཐུན་པའི་ཚོགས་སྡེ་གཞན་གྱི་ནང་མཚན་གནས་རྗེས་འབྲེལ་གྱི་ལས་ཁུར་ལེན་པའམ་ལས་དོན་སྒྲུབ་པར་དགག་བྱ་མེད་ཀྱང་།དབུ་མའི་ལམ་གྱི་ལྟ་གྲུབ་དང་མི་མཐུན་པའི་ཚོགས་སྡེ་གཞན་གྱི་ལས་དོན་བྱ་དགོས་ཚེ་ལས་འགུལ་ཁང་ནས་རྩ་དགོངས་ཞུ་དགོས། ༦།      གཞུང་དང་གཞུང་ཁོངས་མ་ཡིན་པའི་ཚོགས་སྡེ་ཁག་གི་ཟབ་སྦྱོང་དང་ཚོགས་འདུ།   ལས་འགུལ་གཞན་བཅས་ལ་བཅར་དགོས་བྱུང་ཚེ་ཚོགས་གཙོ་གཞོན་ནམ་དྲུང་ཆེ་སུ་རུང་བཅར་དགོས།   གསུམ་ག་དུས་ཁོམ་མ་བྱུང་སྐབས་རྒྱུན་ལས་གང་རུང་མངགས་གཏོང་ཆོག་པ་ཡིན། ༧།       དྲུང་ཆེས་རྐང་འགན་ཁུར་ཐོག་རྒྱུན་ཞུགས་ལས་བྱེད་ནས་ས་རྒྱུན་དང་འབྲེལ་མཐུད་པར་འབྲེལ་བ་དམ་ཟབ་རྒྱུན་སྐྱོང་བྱ་དགོས། ༨།   གོང་འོག་བཀའ་བཀོད་བྱ་སྤུ་སྣོན་གྱི་རིམ་པ་ལྟར་འགྲོ་དགོས་པ་དང་།ལས་འགན་བཀོད་སྒྲིག་གཞིར་བཟུང་རང་འཁྲིའི་ལས་དོན་འཐུས་གཙང་བསྒྲུབ་དགོས། ༩།      ཚོགས་པ་སྤྱི་བྱིངས་ཀྱི་མཚན་མཐོང་ལ་གནོད་གཞིའི་བྱ་སྤྱོད་ཅུང་ཟད་ཀྱང་མ་འཐོན་པ་དགོས་རྒྱུ་མ་ཟད།    རྒྱུན་གཏན་ནས་ཡིག་ཚང་དུ་ཕེབས་སྐབས་རང་ལུགས་མནབ་དགོས། ༡༠།    བོད་ནང་གི་ཛ་དྲག་གནས་སྟངས་ཐད་སྐབས་བབ་ལས་དོན་དམིགས་བསལ་གནང་དགོས་ཡོད་ཚེ།དེའི་བློ་འདོན་འགན་ཁུར་རྒྱུན་ལས་ཡོངས་ལ་འཁྲི་པ་ཡིན། ༡༡།      དབུས་དང་ས་གནས་རྒྱུན་ལས་སུས་དབུ་མའི་ལམ་གྱི་སྲིད་བྱུས་དང་འགལ་བའི་ལས་དོན་ཐོན་ཚེ།    ཚོགས་གཙོ་གཞོན་གཉིས་ནས་ཞིབ་འཇུག་གིས་ལེགས་ཉེས་ལམ་སྟོན་ཅི་ཡོང་བྱེད་དགོས། དོན་ཚན་བདུན་པ།       ཕྱོགས་བཞུགས་རྒྱུན་ལས། ༡།      ཕྱོགས་བཞུགས་རྒྱུན་ལས་རྣམ་པས་རྒྱུན་དུ་ཚོགས་པའི་ལས་དོན་སྤྱི་བྱིངས་ཐུགས་སྣང་གནང་དགོས་པ་དང་།ཚོགས་པའི་རྒྱུན་བཞུགས་ལས་བྱེད་པའི་ལས་དོན་སྒྲུབ་ཕྱོགས་ལ་ལེགས་སྤེལ་ཉེས་འགོག་གི་དགོངས་འཆར་འབུལ་དགོས་རིགས་དུས་ཐོག་ཏུ་འབུལ་དགོས། དོན་ཚན་བརྒྱད་པ།     གཞུང་དོན་ཕྱོགས་བསྐྱོད། ༡།    གཞུང་དོན་ཕྱོགས་བསྐྱོད་གོ་སྒྲིག་དགོས་རིགས་ནི་རྒྱུན་ལས་མཉམ་འཛོམས་ཐོགབསྐྱོད་ཡུལ་ས་གནས་དང་ལས་དོན།  འགོར་ཡུན་དུས་ཚོད་བཅས་ཐག་གཅོད་གང་གནང་རྩ་འཛིན་བྱ་རྒྱུ། ༢།     གཞུང་དོན་ཕྱོགས་བསྐྱོད་གྲུབ་མཚམས་ལས་བསྡོམས་ཁ་གསལ་རྒྱུན་ལས་ལ་སྙན་གསན་ཞུ་དགོས། ༣།      ཕྱོགས་བཞུགས་རྒྱུན་ལས་ཤིག་ཚོགས་པའི་ལས་དོན་ཆེད་ཕྱོགས་བསྐྱོད་བྱེད་དགོས་ཚེ།   གཞུང་དོན་ཕྱོགས་བསྐྱོད་ཀྱི་ཟས་དོད་དང་ལས་དོད་ཀྱི་ཐོབ་ཐང་སྒྲིག་གཞི་ན་གང་གསལ་ཞུ་ལེན་ཆོག་པ་ཡིན། ༤།        གཞུང་དོན་ཕྱོགས་བསྐྱོད་སྐབས་ཉིན་རེར་ལས་དོད་ཧིན་སྒོར་༥༠༠དང་ཟས་དོད་ཧིན་སྒོར་༦༠༠གནང་རྒྱུ།རྒྱུན་ཞུགས་ཕོག་ཡོད་ལས་བྱེད་ལ་ལས་དོད་མེད་། ༥།        ཕྱོགས་བཞུགས་རྒྱུན་ལས་ཤིག་ཚོགས་པའི་ལས་དོན་ཆེད་ཕྱོགས་བསྐྱོད་བྱེད་དགོས་ཚེ།   གཞུང་དོན་ཕྱོགས་བསྐྱོད་ཀྱི་ལས་དོད་དང་ཟས་དོད་གང་ཡོད་ཞུ་ལེན་ཆོག་པ་ཡིན། ༦།      གཞུང་དོན་ཕྱོགས་བསྐྱོད་སྐབས་མགྲོན་ཁང་ཉིན་རེར་ཧིན་སྒོར་༡༠༠༠ལས་གནང་མི་ཆོག    གལ་ཏེ་དེ་ཡན་བརྒལ་ན་རང་ངོས་ནས་ཁ་སྣོན་བྱེད་དགོས། ༧།       འགྲུལ་བསྐྱོད་སྐབས་སྤྱི་སྦྱོད་རླངས་འཁོར་AC Bus དང་མེ་འཁོར་ཡིན་ཚེ་གྲངས་གློག་ཅན་AC 2 ཡི་དོད་གནང་འཐུས།  གལ་ཏེ་དེ་ཡན་བརྒལ་ན་རང་ངོས་ནས་ཁ་སྣོན་བྱེད་དགོས། ༨།     གོང་གསལ་ཚོགས་པའི་ལས་དོན་ཆེད་ཕེབས་པའི་འགྲུལ་བཞུད་ཀྱི་ལམ་གྲོན་རྣམས་ཞུ་ལེན་བྱེད་པར་ངེས་པར་དུ་བྱུང་འཛིན་ངོ་མ་དགོས།   འཛིན་ཚབ་ཡིན་ཚེ་དེ་ལ་ཚོགས་གཙོ་གཞོན་ནམ་དྲུང་ཆེ་སུ་རུང་ནས་མཚན་རྟགས་བྱུང་རྗེས་གཞི་ནས་ལམ་གྲོན་རྣམས་ཞུ་སྤྲོད་ཆོག་པ་ཡིན། ༩།        དབུས་རྒྱུན་སུ་ཞིག་གཞུང་དོན་ཆེད་ཕྱིའི་རྒྱལ་ཁབ་ཁག་ཏུ་བསྐྱོད་དགོས་བྱུང་ཚེ།    ཕར་ཚུར་གཉིས་ཀྱི་རླངས་འཁོར་དང་གནམ་གླ    ཟས་དོད་དང་ལས་དོད།མགྲོན་ཁང་གི་རིན་པ་བཅས་ཅི་གནང་སྐབས་བབ་རྒྱུན་ལས་ཀྱི་ཐག་གཅོད་གནང་རྒྱུ།   ༡༠།   ལུགས་མཐུན་དགོངས་ཞུ་མ་གནང་བར་དབུས་རྒྱུན་ཚོགས་འདུར་བསྟུད་མར་ཐེངས་གཉིས་ལ་བཅར་ཞུགས་མ་བྱས་ཚེ་དབུས་རྒྱུན་ནས་རང་བཞིན་གྱིས་བུད་པ་ཡིན།  རྒྱལ་སྤྱིའི་དབུ་མའི་ལམ་མི་མང་ལས་འགུལ་ཁང་ནས། སྤྱི་ལོ་༢༠༢༢ལོའི་ཟླ་༡༠ཚེས་༢༤ཉིན།